Ուկրաինայի նախագահ Վլադիմիր Զելենսկին հայտարարել է, որ Դոնբասի տարածաշրջանից ուկրաինական զորքերի հնարավոր դուրսբերումը կարող է ունենալ ծանր հետևանքներ երկրի ներսում։
Ըստ նրա՝ նման քայլը կհանգեցնի հասարակության զգալի մասի կողմից դիմադրության և կարող է խորացնել ներքին քաղաքական տարաձայնությունները։ Զելենսկին ընդգծել է, որ այդպիսի սցենարը կարող է սպառնալ ազգային միասնությանը։
Նախագահը նաև նշել է, որ նման ճգնաժամային իրավիճակում Ռուսաստանը կարող է փորձել օգտագործել իր ռազմաքաղաքական նպատակներն առաջ մղելու համար։
Ավելի վաղ Ռուսաստանի նախագահ Վլադիմիր Պուտինը հայտնել էր, որ Դոնեցկի տարածքի մի մասը շարունակում է մնալ ուկրաինական կառավարության վերահսկողության տակ։ Այս տեղեկությունը հաստատել է նաև Դենիս Պուշիլինը։
