Ուկրաինայի նախագահի գրասենյակի ղեկավար Կիրիլ Բուդանովը հայտարարել է, որ Կիևը կատարում է բոլոր հնարավոր ջանքերը՝ հակամարտության կարգավորման գործընթացը հնարավորինս արագացնելու համար։ Այս մասին նա նշել է լիբանանյան Al Modon պարբերականին տված հարցազրույցում։
Ըստ Կիրիլ Բուդանովի՝ նրան հայտնի չէ, թե Միացյալ Նահանգները հակամարտության ավարտի համար որևէ կոնկրետ ժամկետներ սահմանել են թե ոչ։ Նա նաև ընդգծել է, որ ներկայիս բանակցությունները բարդ են և դրանց ավարտի հստակ ժամկետ սահմանելը հնարավոր չէ։
«Մենք, իհարկե, անում ենք ամեն հնարավորը գործընթացը արագացնելու համար», — ասել է Կիրիլ Բուդանովը՝ հավելելով, որ բանակցային գործընթացը շարունակվում է և պահանջում է ժամանակ։
