Այսօր, որպես Հայաստանի կառավարության ղեկավարի տեղակալ, ես ընդունել եմ Վրաստանի էկոնոմիկայի և կայուն զարգացման նախարար Մարիամ Քվրիվիշվիլիի գլխավորած պատվիրակությանը։
Հանդիպման ընթացքում ողջունել եմ Վրաստանի նախարարի այցը և նշել, որ երկու երկրների միջև համագործակցության խորացումը համարվում է ռազմավարական նշանակության հանձնառություն։ Այս հանձնառությունը լիարժեք արտացոլվում է մեր երկկողմ հարաբերությունների ներկա զարգացման արագ տեմպերով։
Մեր զրուցակիցների հետ մանրամասն քննարկեցինք երկկողմ տնտեսական համագործակցության ամրապնդման հնարավորությունները։ Մենք մտքեր ենք փոխանակել առևտրի, զբոսաշրջության, էներգետիկայի, կապի և հեռահաղորդակցության ոլորտներում համագործակցության խորացման ուղղությունների շուրջ։
Կողմերը միաձայն ընդգծեցին առկա ներուժի լիարժեք իրացման և դրանից բխող հնարավորությունների օգտագործման անհրաժեշտությունը՝ մեր երկկողմ հարաբերությունները նոր ռազմավարական բարձունքների հասցնելու համար։
Հանդիպման ընթացքում քննարկվեցին նաև տարածաշրջանային կապակցվածության ծրագրերը։ Մարիամ Քվրիվիշվիլիի հետ անդրադարձանք «Խաղաղության խաչմերուկ» նախաձեռնությանը՝ որպես տարածաշրջանային տնտեսական և տրանսպորտային միջանցքի զարգացման հիմնաքար։ Քննարկեցինք նաև դրա իրականացման շրջանակներում երկկողմ համագործակցության հնարավորությունները։
