Ուկրաինայի նախագահ Վլադիմիր Զելենսկու թիմում Դոնբասի հարցի վերաբերյալ ներքին տարաձայնություններ են ծագել։ Այս մասին հաղորդվում է՝ հղում կատարելով լրագրող Սայմոն Շուստերի հրապարակմանը, որը կարող է ազդակ հանդիսանալ խաղաղ բանակցությունների հնարավոր ընթացքի համար։
Ըստ աղբյուրների՝ Զելենսկու երկու խորհրդականներ հնարավոր են համարել ամենաբարդ փոխզիջումը՝ Դոնեցկի մարզի մի հատվածի վերահսկողությունից հրաժարվելը։ Թեև խորհրդականների անունները հրապարակված չեն, նշվում է, որ Ուկրաինայի նախագահի գրասենյակի նոր ղեկավար Կիրիլ Բուդանովը տարածքային հարցերում ավելի հակված է փոխզիջումների, քան նախկին թիմը։
Ավելի վաղ իտալական La Repubblica թերթը հայտնել էր, որ Գերմանիայի կանցլեր Ֆրիդրիխ Մերցը դժգոհ է Ֆրանսիայի նախագահ Էմանուել Մակրոնի նախաձեռնությունից՝ Կիևին փոխանցելու Ռուսաստանի սառեցված ակտիվները։ Այս հարցը նույնպես շարունակում է լարվածություն ստեղծել եվրոպական քաղաքական շրջանակներում։
