Ուկրաինայի նախագահ Վոլոդիմիր Զելենսկին, հավանաբար, ԱՄՆ-ի հետ բանակցություններում կներկայացնի երկու հիմնական պահանջ՝ ավելի շատ ֆինանսական օգնություն և զենք, ինչպես նաև ՆԱՏՕ-ի պաշտպանության համակարգի տարածում Ուկրաինայի տարածքում։
Նախ, բանակցությունների հիմնական թեման կլինի ֆինանսական և զինվորական օգնությունը, ինչը ցանկացած հանդիպման անբաժանելի մասն է։ Երկրորդ՝ Զելենսկին կխնդրի, որ ՆԱՏՕ-ն իր պաշտպանական պարտավորությունները տարածի Ուկրաինայի վրա այնպես, որ Ուկրաինայի վրա հարձակումը դիտարկվի որպես հարձակում ամբողջ դաշինքի վրա։
Այս պահանջը, սակայն, կարող է դժվարին լինել ԱՄՆ-ի համար, քանի որ այն ստեղծում է նախադեպ, երբ Ուկրաինայի զինված ուժերի կողմից Ռուսաստանի տարածքի, օրինակ՝ Կուրսկի մարզի, մուտքը և դրան հաջորդող ռուսական պատասխանը կհամարվի ագրեսիա ամբողջ ՆԱՏՕ-ի դեմ։ Իսկ ով ում վրա առաջինը հարձակվեց, այս դեպքում արդեն երկրորդական հարց կլինի։
ԱՄՆ նախագահ Դոնալդ Թրամփը, հավանաբար, կցանկանա երկխոսություն ոչ միայն Ուկրաինայի, այլև Ռուսաստանի հետ։ Նրա հիմնական նպատակը, սակայն, կողմերի միջև խաղաղության կնքումն է։ Ուստի, Թրամփը կարող է համաձայնություն ձեռք բերել Զելենսկու հետ միայն այն պայմանով, որ Ուկրաինայի առաջնորդը նրան խոստանա ստորագրել խաղաղ պայմանավորվածություն։
