Փետրվարի 21-ին «Մայլեռ Մաունթին Ռեզորթ» լեռնադահուկային համալիրում տեղի է ունեցել «Մայլեռ ձմեռային խաղեր 2026․ դիվանագիտությունը լեռներում» միջոցառումը։ Այս միջոցառումը, որը կազմակերպվել էր Հայաստանի արտաքին գործերի նախարարության և «Մայլեռի» համատեղ ջանքերով, հավաքել էր Հայաստանում հավատարմագրված օտարերկրյա դեսպանությունների և միջազգային կազմակերպությունների շուրջ 130 ներկայացուցչի։
Միջոցառման հիմնական նպատակն էր սպորտային դիվանագիտության միջոցով խթանել գործընկերային կապերի ամրապնդումը։ Բացի այդ, այն նախատեսված էր որպես հարթակ, որի միջոցով միջազգային հանրությանը ներկայացնել Հայաստանի զբոսաշրջային հնարավորությունները և ձմեռային հանգստի գրավչությունը։
Միջոցառման ընթացքում ողջույնի խոսքով հանդես են եկել ՀՀ արտաքին գործերի նախարարի տեղակալ Վահան Կոստանյանը և «Մայլեռ Մաունթին Ռեզորթ» համալիրի հիմնադիր Տիգրան Հարությունյանը։
Իր ելույթում Վահան Կոստանյանը նշել է, որ «Մայլեռը» լավ օրինակ է ցույց տալիս, թե ինչպես կարելի է Հայաստանում իրականացնել հավակնոտ նախագծեր։ Նա նաև ընդգծել է, որ Հայաստանի կառավարությունը լիարժեքորեն աջակցում է նման ենթակառուցվածքների զարգացմանը և ընդհանուր էկոհամակարգին։
«Մայլեռ ձմեռային խաղեր 2026․ դիվանագիտությունը լեռներում» միջոցառման շրջանակում անցկացվել են լեռնադահուկային սպորտի և սնոուբորդի մրցումներ՝ կանանց և տղամարդկանց անվանակարգերում։
