Իսպանիայի մայրաքաղաք Մադրիդում, Կոմպլուտենսե համալսարանում, տեղի ունեցավ կոնֆերանս, որը նվիրված էր Հայաստանի և Ադրբեջանի միջև խաղաղության գործընթացին։ Հանդիպումը կազմակերպվել էր Իսպանիայում Հայաստանի Հանրապետության դեսպանության կողմից։
Կոնֆերանսի ընթացքում Իսպանիայում ՀՀ դեսպան Սոս Ավետիսյանը ներկայացրեց բանակցությունների ընթացքը։ Նրա խոսքում ընդգծվեց Հայաստանի կառավարության կողմից տարածաշրջանում կայուն և երկարատև խաղաղության հասնելու հանձնառությունը։
Հանդիպումն ավարտվեց լսարանի ներկայացուցիչների հարցերի և դեսպանի պատասխանների փոխանակմամբ։
